Milli Dirçəliş Hərəkatı Partiyası
Rəsmi veb səhifəsi

Qurucu Lider MDHP

Fərəc Quliyev:Payızda rayonlarda görüşlər keçirməyə üstünlük verəcəyik

Fərəc Quliyev:Payızda rayonlarda görüşlər keçirməyə üstünlük verəcəyik
Qarşıdan payız ayları gəlir. Adətən yay ayında bütün ölkədə olduğu kimi, siyasi partiyaların da fəaliyyətində müəyyən durğunluq yaranır. Amma payıza doğru onların fəaliyyəti yenidən canlanır. Görəsən, Azərbaycandakı siyasi partiyaların payız aylarında hansı planları var?

Milli Dirçəliş Hərəkatı Partiyasının sədri Fərəc Quliyev qeyd edir ki, rəhbərlik etdiyi təşkilat payızda rayonlarda görüşlər keçirməyə üstünlük verəcək:

“İstənilən partiya hər seçkidən dərhal sonra yeni seçkilərə hazırlaşmalıdır. Partiyaların fəaliyyətində məqsəd hakimiyyətə gəlməkdir. Təşkilatımız ümumazərbaycan problemlərinə adekvat formalaşıb. Departament institutu yaratmışıq. Qərbi Azərbaycan, Güney Azərbaycan, Borçalı, Dərbənd departamentləri yaratmışıq.

Lazım və ehtiyac olan məsələləri gündəmə çıxarırıq. Təşkilatımızı ciddi şəkildə yenidən toparlamağı düşünürük. Bunun üçün də rayonlarda görüşlər keçirəcəyik. Bundan sonda da Azərbaycanın xeyrinə hər hansı bir addım atılacaqsa dəstəyimizi verəcəyik. Güclənmyə çalışırıq. Seçkilər prioritetdir”.

Rüfət Sultan, Bizim.Media