MDHP və ATA BLOKU - nun 10.04.2013 TARİXİNDƏKİ RAZILAŞMASI
Milli Dirçəliş Hərəkatı Partiyası və iyirmi iki partiyadan formalaşmış Ata bloku arasında razılaşma.
Bakı şəhəri 10 aprel 2013-cü il.
Anlaşmada aşağıdakı müddəalar ətrafında razılığa gəlindi: 1. Azərbaycan Respublikasının dövlət maraqlarının qorunması; 2. Ölkədə barışa söykənən sabitliyin əldə olunması; 3. Qarşıdurma və toqquşmalarındansa, parlamentdə və kürsülərdə fikir dartışmalarının daha səmərəli olacağını düşünərək mübarizənin və fəaliyyətin sivil formada aparılması; 4. Prezident seçkiləri dönəmində seçki öncəsi mühitin demokratikləşməsi; 5. Seçkilərin demokratik, şəffaf keçirilməsi ,seçkilərin müşahidəsinin birgə təşkili; 6. Seçici fəallığının təmin olunması, bu seçkilərdə prezidentliyə namizədin verilməsində, birgə müzakirələrin təşkili; 7. Fəaliyyət müddətində daha dərin inteqrasiya və prezident seçkilərində vahid namizədlə iştirakın müzakirəsi.
MDHP Sədri Fərəc Quliyev
Ata blokunun sədri Çingiz Dəmiroğlu
QEYD: Milli Dirçəliş Hərəkatı Partiyasının sədri Fərəc Quliyev və Ata blokunun sədri Çingiz Dəmiroğlu yuxarıda göstərilən müddəalar əsasında digər siyasi qüvvələrlə də konsolidasiyanın mümkünlüyünü qeyd etdilər.
