MİLLİ DİRÇƏLİŞ HƏRƏKATI PARTİYASI MƏRKƏZİ İCRA APARATININ (MİA) ƏSASNAMƏSİ
1. Mərkəzi İcra Aparatının Təşkili:
MİA MDHP sədrinin yanında fəaliyyət göstərən kollegial orqandır. MİA-ya: MDHP sədri, onun müavinləri, MDHP-dən dövlət seçkili strukturlarına seçilənlər, 1/3-ə qədər sədrin təqdimatı ilə Ali Məclis tərəfindən təsdiq edilmiş şəxslər daxildir. Qərarlar konsensus yolu ilə qəbul edilir. Yığıncaqları ayda iki dəfədən az olmayaraq keçirilir.
2. Mərkəzi İcra Aparatının Səlahiyyətləri:
MİA Qurultayın və AM-in qəbul etdiyi qərarları həyata keçirir. MDHP-nin cari fəaliyyəti ilə bağlı qərarlar qəbul edir. AM qarşısında təkliflərlə çıxış edir. MDHP Nizamnamə Komissiyasının təqdimat və rəylərinə baxır, müvafiq qərar qəbul edir.
3. Mərkəzi İcra Aparatı Məsuldur:
- İcra ilə bağlı bütün kəsirliklərin aradan qaldırılmasına; - bütün yerli strukturların formalaşmasına; - ideoloji işin məramnaməyə uyğun aparılmasına; - seçki və dövlət quruculuğu işinin təşkilinə; - KİV-də MDHP-nin təbliğinə, təşkilatın mətbuat sisteminin qurulmasına; - təşkilatdaxili, ölkədaxili və beynəlxalq əlaqələrin qurulmasına; - MDHP-nin maliyyə məsələlərinin təşkilinə; - MDHP-nin və partiya üzvlərinin (siyasi fəaliyyəti ilə bağlı) hüquqi müdafiəsinə; - humanitar məsələlərin təşkilinə; - şöbələrin əsasnaməyə uyğun fəaliyyətinə; - təsərrüfat sisteminin təşkilinə.